happychyan
榮譽會員
 
   
積分 55577
發文 4018
註冊 2006-5-27
狀態 離線
|
#1 [心理測驗]街頭小吃心理測驗
街頭小吃心理測驗
你會買咩街頭小食．．．．
ａ)粟米粒
ｂ)臭豆腐
ｃ)炸青椒
ｄ)豬大腸
ｅ)碗仔翅
ｆ)燒賣
ａ)粟米粒
尚自然，最熱衷環保工作，一切都以簡單同舒服為主，所以好易同人
相處。加上你係個默默耕耘唔斤斤計較嘅人，可謂相識滿天下，知己
唔只得一個。
因為你太多朋友！做你伴侶肯定唔好過。
求求其其一招了，默守成規好易厭。
ｂ)臭豆腐
脾氣差，郁Ｄ就鬧人。表面上係人見到你都怕，難俾大眾接受。其實
你有你與別不同嘅地方，做人細心又肯蝕底唔怕羞，但係弊在要同你
做好耐朋友先識欣賞你。
粗中帶幼，好大機會醜小鴨配天鵝。
識得顧及對方感受，俾到對方好大滿足感。
ｃ)炸青椒
太過硬繃繃唔識轉彎做人，遇到困難只係得過嘈字，唔會諗辦法去解
決。思想又守舊，仍然活在過去中，一D都追唔上潮流，你實在太
out day啦！
要肯捱得苦嘅的伴侶先可能夾到你，機會唔係無，渺...
ｄ)豬大腸
不拘小節得唻又好識茇人，愈識得你耐愈覺得你別有一番品味。不過
有陣時你又幾情緒化，衰起上唻連老豆都無情講，幾難捉摸又有性格。要識欣賞內在美嘅人至會鍾意你。
一切隨意，對手都好難捉摸你。
ｅ)碗仔翅
個人好滑頭，可以將一件簡單嘅事講到天花龍鳳咁吸引人。基本係好
受人歡迎，之不過識你耐D，人地就知你得個殼，但係都唔抗拒你果
度好。
無風無險，識異性易如反掌。
基本上你用把口都搭夠啦！技巧已經唔重要。
ｆ)燒賣
表面上扮到鬼死咁cool，好似冰山咁。事實上你又真係好鬼慢熱嘅，
不過遇著好傾嘅人，你就會好friendly。工作亦一樣，做咩都唔話你
知，好易俾人誤會。
好被動，要人將你個冰山劈開先得。
對手少D耐性都唔掂，注重氣氛多於一切。
|
 |
|
