阿忠
管理版主
 
    
積分 84165
發文 14126
註冊 2005-8-31
來自 竹棧
狀態 離線
|
#1 唐装鬼开派对
?年?中秋节，爸爸兴起话带我地一家返乡下过节。可能见我们三姐弟未玩过爆竹，一心谂住带我地去见识吓，顺便睇吓乡下点过节。
我就住在同爷爷好熟的同乡度。那间屋是两层高的祖屋，摆设好陈旧，楼底又高，总之好似间古老大屋，感觉唔多好。
食过晚饭后，我觉得个头好痛，同爸爸讲我唔出去玩，想休息一下。妈妈见我脸青口唇白，送了我入房后佢先出去玩。
当我病到蒙查查的时候，感觉到身边有个人躺了下来。我以为系姐姐玩完返唻睡觉，冇特别理会。但闻一闻，发觉点解会有阵酒臭味，姐姐唔饮酒的。转过身一望，当堂吓呆。一个着住唐衫戴住唐帽的男人睡我隔篱伸到直一直，块面仲好似死尸咁白。
我惊到嗌救命，但开口都冇声出。后来听到好多人声，好似开Party咁嘈。我见自己郁得咪行落楼下睇睇，见到有成六、七个咁上下着唐装的人在嘻嘻哈哈，饮酒大笑，我惊到坐在楼梯，郁都唔识郁。
突然厅内的大笨钟当当声响起，我望一望，系十二点钟。我的屋企人玩完返，就在开门的时候，六、七个唐装鬼立即消失。我讲畀佢地知，佢地唔多相信。后来发觉有个女人唐装头饰留在厅中间，佢地先相信，仲吓到个个即刻返房睡
|
 |
|
